لم يهد الله للإسلام سواهم

حوار مع مسلم 
=============
 هما الشيعة مش مسلمين؟
 لأ طبعاً .. دول بيسبوا الصحابة و يصلوا على زلطة
 طب و الصوفيين؟
 كفرة يا عم .. دول بيدعوا علم الغيب
 ياااه .. طب و الناس المسلمة العادية؟
 منافقين .. دول بيروحوا أضرحة و يحلفوا بالنبى و يحتفلوا بشم النسيم وعيد الأم و العياذ بالله

يا ساتر يا رب .. أمال الليبراليين و العلمانيين والديمقراطيين وبتوع حقوق الإنسان واللى بيطالبوا بالمساواة والعدل إيه ظروفهم عندك ؟
إياك تجيب سيرتهم .. دول شواذ و عبدة شيطان و كلهم بتوع تبادل زوجات و جنس جماعى
 أستغفر الله العظيم .. أكيد بقى النصارى و اليهود والهندوس و البوذيين والسيخ و بقية البشر التانية كفار؟
طبعا كلهم كفار؟؟؟ دول جهنم من غير حساب خالدين فيها
 طب مين داخل الجنة؟
 أهل السنة و الجماعة بس طبعاً 
 يعنى دول مين؟؟
 إنت بتصلى فى زاوية الإستقامة إللى ف خرابة عزبة القرود ورا الشيخ سلامة الأقرع المجذوب ؟
 لأ … بصلى جنب بيتنا فى مسجد الرحمن أو أى مسجد تانى
و سايبنى أتكلم معاك يا كافر؟