ضحايا مذبحة الهجوم الكيماوي الجديد بسرمين اللي ما بعرف رقمه( يمكن صاروا 200 هجوم بالكيماوي) لسا ما اندفنوا والناس بتقول ما منعرف الحق مع مين !مين المجرم ؟ ومين اللي عم يتسبب بكل هالشي؟ الأسد واللا الحرس الثوري واللا الشبيحة؟داعش وجبهة النصرة؟أميركا واسرائيل واللا المؤامرة الكونية؟
صور الشهداء اللي تسربت للسوريين اللي استشهدوا تحت التعذيب وعلى جبين كل واحد رقمه ورقم الفرع اللي تمت تصفيته فيه والمساكين أهاليهم عم يدوروا بآلاف الصور ليلاقوا أبوهم أو أخوهم أو قريبهم .البنت عم تدور على زوجها أبو أولادها و هية عم تموت من الحصار والتجويع بالمناطق المحررة و أولادها ظهرت فيهم كل الأمراض اللي ما شفناها إلا بالكتب.
المجرم واضح و معروف ، والناس اللي بيقولوا ما عاد عرفنا مين الصح و مين الغلط إما كذابين أو مرتزقة.
"قد تبين الرشد من الغي "واللي باع سورية لأحلام المجوس معروف:هوه اللي قتل 250000 من شعبه وجرح مليون وهجر 12 مليون ودمر أقدم حضارة بالعالم ومزق وحدة ترابنا.
الثورة هيه ثورة الكرامة والحرية وبإذن الله رح تنتصر غصب عن أميركا واسرائيل وداعش والإئتلاف والعالم كله.
النصر لثوارنا الشرفاء والموت لكل القتلة و الخونة والمرتزقة والعميان.
